Í samræmi við jafnréttisáætlun Árskóla og jafnréttisáætlun Sveitarfélagsins Skagafjarðar leggur Árskóli áherslu á jafnrétti kynja í hvívetna, bæði meðal nemenda og starfsfólks.
Starfsmenn
-
Gæta skal þess að starfsmenn hafi jafnan rétt til launaðra starfa innan Árskóla og fái jöfn laun fyrir sömu vinnu, óháð kyni.
-
Gæta skal þess að hlutfall kynjanna sé sem jafnast í nefndum, ráðum og áhrifastöðum innan skólans.
-
Jafnréttissjónarmið verði metin til jafns við önnur mikilvæg sjónarmið sem ráða við stöðuveitingar.
-
Í auglýsingum skal þess gætt að hafa bæði kynin í huga.
-
Í Árskóla eiga starfsmenn kost á sveigjanlegum vinnutíma, hlutastörfum eða annarri hagræðingu varðandi vinnutíma.
-
Starfsfólki verði gert kleift að minnka við sig vinnu tímabundið til að sinna fjölskylduábyrgð, svo sem umönnun barna og sjúkra fjölskyldumeðlima. Með þessu móti er starfsfólki auðvelduð samræming á fjölskylduábyrgð og starfsskyldum.
-
Allt starfsfólk á rétt á því að komið sé fram við það af virðingu og skulu jafnframt koma fram af virðingu við aðra.
-
Kynbundin og kynferðisleg áreitni er ekki liðin í Árskóla. í Jafnréttisáætlun Sveitarfélagsins Skagafjarðar er skýr afstaða tekin gegn kynbundnu ofbeldi.