Enn á ný bar góða gesti að garði. Í dag komu þeir Emil Hauksson frá Kiwanisklúbbnum Drangey og Snorri Geir Snorrason lögreglumaður og færðu öllum nemendum í 1. bekk endurskinsvesti að gjöf. Í fyrra færðu Kiwanisklúbburinn og Vátryggingafélag íslands, VÍS, öllum nemendum í 1. - 6. bekk endurskinsvesti og því var þessi viðbót kærkomin. Þeir Emil og Snorri Geir hvöttu krakkana til að vera duglega að nota vestin og bentu þeim á hversu mikilvægt öryggistæki þau væru. Árskóli færir Kiwanisklúbbnum og VíS bestu þakkir fyrir gjöfina og hvetur foreldra til að senda börn sín ávallt í vestunum í skólann.