Háskólalestin kemur í Árskóla í Sæluvikunni

Eldfim vísindi!

Árskóli fær skemmtilega og fræðandi heimsókn þegar Háskólalestin frá Háskóla Íslands kemur í skólann dagana 16.–18. apríl. Háskólalestin er metnaðarfullt verkefni frá Háskóli Íslands þar sem markmiðið er að efla áhuga nemenda á vísindum, fræðum og háskólanámi með lifandi og fjölbreyttri kennslu.  Á laugardeginum 18. apríl verður haldið opið vísindahús þar sem íbúum í Skagafirði er boðið að koma og upplifa vísindi á lifandi og aðgengilegan hátt. Þar gefst einstakt tækifæri fyrir fjölskyldur og áhugasama að kynnast starfi háskólasamfélagsins.

Háskólalestin býður upp á kennarasmiðjur og fjölbreytt námskeið fyrir nemendur á unglingastigi Árskóla, Varmahlíðarskóla og Grunnskólans austan Vatna.  Nemendur fá tækifæri til að kynnast ólíkum fræðasviðum með virkri þátttöku og skemmtilegum verkefnum.  Vinsæl námskeið nemenda undanfarin ár hafa verið m.a.  

• Efnafræði – til dæmis „Sprengju Kata“
• Stjörnufræði með Stjörnu Sævari
• Blaða- og fréttamennska
• Eðlisfræði með tilraunum eins og skoppandi boltum og eldflaugum
• Stærðfræði – dulkóðun, leikir og þrautir
• Gervigreind
• Íþrótta- og heilsufræði
• Sjúkraþjálfun með áherslu á íþróttir
• Tómstunda- og félagsmálafræði – útikennsla og ævintýranám
• Leiklist
• Skurðlækningar
• Japanska
• Nýsköpun
• Sálfræði
• Verkfræði

Heimsókn Háskólalestarinnar er kærkomin viðbót við dagskrá Sæluviku og styrkir tengsl skóla, samfélags og háskólasamfélagsins með fræðslu, forvitni og sköpun í fyrirrúmi.

Nánari upplýsingar um verkefnið má finna á heimasíðu Háskólalestarinnar:
https://haskolalestin.hi.is/is