Skólasafn

Bókasafn Árskóla

Bókasafn Árskóla styður við lestur, nám og kennslu á öllum stigum skólans. Þar geta nemendur fundið bækur við sitt hæfi, kynnst nýju lesefni og aflað heimilda fyrir verkefni. Safnið er rúmgott og býður upp á góða vinnuaðstöðu fyrir einstaklinga og hópa.

Lestur og lestrargleði

Á safninu er fjölbreyttur bókakostur sem nemendur nýta bæði í námi og til frjálsrar lestrar. Lögð er áhersla á að vekja áhuga á bókum og hjálpa nemendum að finna lesefni sem hentar áhuga þeirra og lestrarfærni.

Bókakynningar, bókaklúbbar og ýmis lestrarverkefni eru hluti af starfi safnsins. Meðal verkefna hafa verið bangsadagur, þátttaka í Bókaverðlaunum barnanna og bókahraðstefnumót fyrir eldri nemendur.

Safnkennsla og samstarf

Nemendur í 1.–4. bekk sækja skipulagða safnkennslu í minni hópum. Þar kynnast þeir safninu og bókakostinum og fá stuðning við að velja sér bækur.

Safnið styður einnig við heimildavinnu og verkefni í samstarfi við kennara. Bækur eru lánaðar í kennslustofur og þeim skipt út reglulega til að nemendur hafi greiðan aðgang að fjölbreyttu lesefni yfir skóladaginn.

Safn fyrir alla

Áhersla er á að bókasafnið þjóni fjölbreyttum nemendahópi. Unnið er að því að efla bókakost á fleiri tungumálum og styðja þannig við móðurmál nemenda og áhuga þeirra á lestri.

Á bókasafninu viljum við skapa aðstæður þar sem nemendur njóta þess að lesa, uppgötva og læra.