Svakalega lestrarkeppnin

Svakalega flottur árangur í Svakalegu lestrarkeppninni!

Nú er Svakalegu lestrarkeppninni sem var fyrir nemendur í 1. - 7. bekk lokið og stóðu nemendur okkar í Árskóla sig einstaklega vel!

Saman lásu nemendur 122.358 mínútur og 1.127 bækur! Þetta er sannarlega glæsilegur árangur og erum við afar stolt af duglegum lestrarhestum okkar.

Þótt keppninni sé lokið erum við hvergi nærri hætt að lesa. Við höldum ótrauð áfram að lesa, æfa okkur og bæta okkur í lestri í allan vetur.

Endanleg úrslit keppninnar verða svo gerð opinber í næstu viku, þannig að það verður spennandi að sjá hvernig okkur hefur gengið!

Takk fyrir frábæra þátttöku, kæru nemendur!

Höldum áfram að lesa og njóta, því lestur er bæði skemmtilegur og mikilvægur!