Opið vísindahús

Opið vísindahús

Opið vísindahús verður í boði háskólalestar Háskóla Íslands í Árskóla laugadaginn 18. apríl kl. 11 - 14.  Háskólalestin er metnaðarfullt verkefni frá Háskóla Íslands þar sem markmiðið er að efla áhuga  á vísindum, fræðum og háskólanámi.  Í vísindahúsinu er íbúum í Skagafirði er boðið að koma og upplifa vísindi á lifandi og aðgengilegan hátt. Þar gefst einstakt tækifæri fyrir fjölskyldur og áhugasama að kynnast starfi háskólasamfélagsins.

Háskólalestin var með kennarsmiðjur fyrir grunnskólakennara í Skagafirði fimmtudaginn 16. apríl sem tókust vel.  Smiðjurnar voru um hegðun, gervigreind í skólastarfi og tilraunir í vísindakennslu. 
Föstudaginn 17. apríl voru vel heppnuð námskeið fyrir nemendur á unglingastigi Árskóla, Varmahlíðarskóla og Grunnskólans austan Vatna.  Nemendur fengu tækifæri til að kynnast ólíkum fræðasviðum með virkri þátttöku og skemmtilegum verkefnum.  Eftirfarandi námskeið voru í boði:

Blaða- og fréttamennska
Tilraunastofa í eðlisfræði
Vísindi bleikjunnar - slepjulegt og saltað
Hugrekki í hegðun
Íþrótta- og heilsufræði
Japönsk fræði
Skurðlækingar
Sjúkraþjálfun
Stjörnufræði
Skapandi tæknismiðja
Fallbyssu skotkeppni 

Gestir sem heimsækja opið vísindahús fá fjölbreytta kynningu í takt við námskeiðin að ofan.  Heimsókn Háskólalestarinnar er kærkomin viðbót við dagskrá Sæluviku og styrkir tengsl skóla, samfélags og háskólasamfélagsins með fræðslu, forvitni og sköpun í fyrirrúmi.

Nánari upplýsingar um verkefnið má finna á heimasíðu Háskólalestarinnar:
https://haskolalestin.hi.is/is