Evrópukeppni í fjármálalæsi milli grunnskóla í Evrópu fer fram á vorin ár hvert.
Undankeppnir eru haldnar í hverju þátttökulandi í tengslum við árlega alþjóðlega fjármálalæsisviku. Á Íslandi eru það Fjármálaleikar milli grunnskóla sem haldnir voru dagana 9. – 18. mars 2022. Nemendur í 10. bekk Árskóla tóku þátt að þessu sinni.
Fjármálaleikarnir eru netspurningaleikur og var nemendum raðað saman í tveggja manna hópa. Markmiðið með keppninni er að hvetja sem flesta nemendur til að spreyta sig á skemmtilegum spurningaleik um fjármál.
Áður en leikarnir hófust og samhliða fengu nemendur kennslu í fjármálalæsi hjá umsjónarkennara.
Krakkarnir stóðu sig frábærlega og varð Árskóli í 6. sæti af þeim 32 grunnskólum sem tóku þátt. Mikil keppni var um efstu sætin.
Húrra fyrir krökkunum í 10. bekk Árskóla!